Овогодинешниот Државен Извиднички Ориентационен Натпревар – ДИОН повторно им донесе огромна гордост на Јадранци. Нашите екипи тргнаа по предизвикувачките стази со јасна цел – да покажат знаење, упорност и вистински извиднички дух. Секој чекор, секој свиок и секој компасен правец беше дел од авантура што не’ научи на доверба, тимска работа и истрајност.
На натпреварот успеавме да освоиме вкупно пет места во сите три категории:
– Роверите блеснаа со три заслужени места,
– Истражувачите го освоија првото место,
– Извидниците се изборија за одличен пласман.
Посебно се гордееме што годинава официјално станавме трократни прваци на ДИОН, победувајќи три години по ред – успех што го потврдува квалитетот, истрајноста и посветеноста на нашите младинци и водачи.
Авантурата на ДИОН не е само натпревар. Тоа е патување низ природата, предизвик за умот и телото, и приказна што ги спојува младите во истрајност, дружба и вистински извиднички дух.
Јадранци продолжуваат со истиот елан – со компас во рака, насмевка на лицето и големо срце под извидничката марама. 
EN 
MK 
